( නිමිත්ත - ගාලු කොටු මුව දොර අභියස පිලිස්සී ගිය බිලිඳු මල සිරුරක් බදා හඞා වැටෙන මවක් )
මගේ පුතේ සමාවෙයන්
නුඹ ලගින් නොසිටියට
වියළී ගිය තන පුඩුවේ
නුඹට දෙන්න කිරි තිබුනේ නෑ
උදේට වත් කිරි උගුරක් දෙන්න
මම ගියා විකිනෙන්න
සොච්චමකට අමාරුවෙන් අල්ල ගත්ත
මිනිහෙක් සමඟ හෙට්ටු වෙලා
අනේ මං එනකොට
නුඹ සමු අරන් නොකියාම ....
කළුවරට පුංචි පුතු බය වෙයි කියලයි
කුප්පි ලාම්පුව පත්තු කරලා ගියේ
දෙවියන්ට මගේ පුතු බාරදීලයි ගියේ
තිස් තුන් කෝටියක් දෙවි දේවතාවන් හිටියාට
අනේ උන් බැලුවේ නෑ මගේ පැටියා දිහා